გამარჯობათ, სულ ვხედავ თქვენ პოსტებს და ძალიან საინტერესოდ საუბრობთ…
როგორც გამოცდილი ადამიანი ბიზნესში, როგორ ფიქრობთ სამედიცინო სფეროში რა უნდა გაკეთდეს ხალხს რომ დავეხმაროთ საზღვარგარეთ არ წავიდნენ და აქ მიიღონ ის მომსახურეობა? მომრავლდა დაავადებები და მაღელვებს როგორც მოქალაქეს.

გამარჯობა, ბატონო ლეონიდ მე ფეისბუქით გიცნობთ, არც ისე დიდი დროა. ამ მოკლე დროში დიდი შთაეჭდილება მოახდინა თქვენმა ფეისბუქ პოსტებმა. დღეს გავიგე რომ გამოსულა თქვენი წიგნი. აუცილებლად შევიძენ და წავიკითხავ, დარწმუნებული ვარ რომ ეს ერთერთი კარგი წიგნი იქნება ჩემს გონების და ოჯახის ბიბლიოთეკაში . წაკითხვის შემდეგ სურვილი მაქ თუ არის ეს თქვენთვის შესაძლებელი, რომ მოვიტანო წიგნი თქვენთან და ამ წიგნზე დამიტოვოთ თქვენი ავტოგრაფი? პატივისცემით, ზაზა.

მოგესალმებით ბატონო ლეონიდ! მოხარულივარ თქვენი ქველმოქმედებით! მაგრამ მაინტერესებს მიზანი? ადამიანს ხომ ჯობია თევზის ჭერა ვასწავლოთ პარალელურად, ვიდრე სისტემატურად თევზი ვაძლიოთ? და მეორე კითხვა, სწორად გამიგეთ, მაგრამ ვინც ქველმოქმედებით დაიწყო შემდგომში პოლიტიკაში მოვიდა ანუ უფასო ყველი ხაფანგშია! თქვენი მიზანი მაინტერესებს ამას რისთვის აკეთებთ? ბოდიში თუ ჩემი კითხვებით რამე გაწყენინეთ. ველი თქვენს პასუხს

ბატონო ლეონიდ, 31 დეკემბერს დამირეკეს და მითხრეს, რომ სამსახურიდან გათავისუფლებული ვარ. სამი შვილი მყავს, ისინი მშივრები დამრჩნენ. არ ვიცი სად წავიდე, რა ვქნა. ძალიან გთხოვთ, რჩევა მომეცით.

მითხარით, რა ხდება ონლაინ-კრედიტებზე? რამე სიახლეები არის?

მოგესალმებით, ლეონიდ მიხაილოვიჩ, თქვენი ერთი პოსტი გამახსენდა, რომელიც საქველმოქმედო ფონდებს ეხებოდა. ალბათ, გსმენიათ, სკანდალის შესახებ, რომელიც საქველმოქმედო ფონდების გარშემო აგორდა. საზოგადოება ნებისმიერ საქველმოქმედო ფონდს უკვე ეჭვის თვალით უყურებს… ჩვენს მიერ გადარიცხული თანხებიდან რამდენი მისდის ადრესატებს და რამდენი რჩება ფონდის ანგარიშზე… პირადად მე თანხა ბევრჯერ გადამირიცხავს, ახლა კი,  აღარ ვიცი, როგორ მოვიქცე, რა იქნება უფრო სწორი, საიდან გავიგო ხალხს ვეხმარები თუ თაღლითების ჯიბეებს ვავსებ. რა გავაკეთო?  გთხოვთ, მირჩიეთ.

ბატონო ლეონიდ, ამდენი ადამიანის სიყვარულის დამსახურება როგორ მოახერხეთ?

მაინტერესებს, აპირებთ თუ არა არჩევნებში მონაწილეობის მიღებას და გეგმავთ თუ არა პიარ მხარდაჭერის ფორმირებას?

მოგესალმებით, რ ა თქმა უნდა, ასეთი შეკითხვისთვის ბოდიშს გიხდით…. (ვიქტორი, 36 წლის). როგორ მივაღწიო ცხოვრებაში წარმატებასა და ბედნიერებას? უკვე ძალიან ბევრი რამ ვცადე, მაგრამ ვერცერთ სფეროში ვერ მოვმაგრდი. ადრე თუ გვიან საკუთარი ძალების რწმენას კარგავ და ყველაფერი ხელიდან გიცვივა… დედა ძალიან დარდობს იმის გამო, რომ ასეთი უბედური ვარ. შესაძლოა, მჭირდება ფსიქოლოგი ან ფსიქიატრი. მომიტევეთ, ასეთი გულახდილობა. ყოველივე კარგს გისურვებთ.

მოგესალმებით, გილოცავთ ყველა ჩავლილ დღესასწაულს. თქვენს პოსტებს თვალს ვადევნებ და ძალიან მომწონს თქვენი ცხოვრებისეული ხედვა, ღირებულებები და შეხედულებები. ამჟამად საქართველოს პოლიტიკურ ცხოვრებაში მონაწილეობთ?

მოგესალმებით, ხშირად ვითხულობ თქვენს პოსტებს. მე პრ-ტექნოლოგი ვარ და ვვარაუდობ, რომ თქვენი გვერდის მართვაში კონკრეტული გუნდია ჩართული. მინდა გითხრათ ყოჩაღ! არის ფაქტორები, რის გამოც თქვენ საზოგადოება თავისიანად ვერ მიგიღებთ (მთავარი ფაქტორი კი უნდობლობაა ზოგადად პოლიტიკოსებისადმი) და ხშირად მსმენია “ქართველს არ ადარდებს საქართველო და არაქართველს …’ და ასე შემდეგ. მიუხედავად ამისა, თქვენ სკეპტიკოსებშიც კი (მათ შორის მეც ვარ გარკვეული დოზით) გამოიწვიეთ ინტერესი. ზომიერი და მიზანმიმართული კამპანიაა. კარგი სტილი და მიმართულება გაქვთ შერჩეული. ტექნოლოგიური დამუშავების პროცესის მიუხედავად ეს მაინც თქვენს გემოვნებაზე და მსოფლმხედვეილობაზე მიუთითებს. დიდი სიამოვნებით ვიმეგობრებდი თქვენთან და თქვენს გუნდთან.

მოგესალმებით, ბატონო ლეონიდ! თქვენი საქველმოქმედო საქმიანობის შესახებ სოციალური ქსელებიდან გავიგე, ძალიან მიხარია, რომ ასეთ კეთილ საქმეებს აკეთებთ საქართველოში… თუ მე შემიძლია რამით დახმარება, ყოველთვის მზად ვარ და ძალიან მოხარული ვიქნები! დიდი მადლობა!

გამარჯობათ! რატომ არ ერთვებით საარჩევნო კამპანიაში. ხალხა ახალი კანდიდატი სჭირდება!

ბატონო ლეონიდ, მეც მინდა თქვენს პოსტს ვუპასუხო, იმაზე რომ თუ გინდა ადამიანი ამოიცნო – მიეცი მას ძალაუფლება. არ ვეთანხმევი! ადამიანები არ იცვლებიან. თქვენ ძალიან კეთილი ბრძანდებით, ფულიც გაქვთ და ძალაუფლებაც, მაგრამ არ შეცვლილხართ. მხოლოდ ის ადამიანები იცვლებიან, ვისთვისაც მთავარი ფულია და არა სიყვარული. ასეთი ფულის მოყვარულები შორს ვერ წავლენ, ჩაიძირებიან და განადგურდებიან. თქვენ კი ყოველთვის ბედნიერი იქნებით!

მოგესალმებით! ღმერთმა სიკეთით გადაგიხადოთ ეს დიდი სიკეთე რაც თქვენ გაჭირვებული ადამიანებისთვის გააკეთეთ! მინდა გკითხოთ და ძალიან გთხოვოთ, ცენტრის გახსნა და დახმარება უმწეო და მოხუცი ადამიანების დიდი ხანია მეც მსურს, მაგრამ არ ვიცი ვის ვკითხო და ამისთვის და არის საჭირო. გთხოვთ დამაკვალიანეთ!

გმადლობთ. ძალიან დაინტერესებული ვარ თქვენი ინიციატივით ..მართვის მოწმობის თაობაზე.მიზანს რომ მივაღწიოთ აუცილებელია ტელევიზით მიმართვა. არის გადაცემა საზუგადოებრივ მაუწყებელზე მსგავსი თემის გადაცემაა. იქნებ გამოვიდეს ინიციატივით მაგ გადაცემაში თქვენი წარმომადგენელი .. თქვენი აზრი მაინტერესებს რა ნაბიჯებია გადასადგმელი ეს საქმე ბოლომდე მივიყვანოთ. პირადად მე მზად ვარ თქვენი მითითებით, რჩევით მივყვე ამ საკითხს.

დიდი მადლობა თქვენი არაჩვეულებრივი წამოწყებისთვის! ამჟამად ვცხოვრობ სურამში, ხშირად მიწევს ჩასვლა თბილისშიც. სურვილი მაქვს მონაწილეობა მივიღო თქვენს საქველმოქმედო საქმიანობაში. ლუკმა-პურის განაწილების სახით ავადმყოფებისთვის, მიუსაფარებისთვის თუ მარტოხელა მოხუცებისთვის

მოგესალმებით, წლების განმავლობაში მივხვდი, რომ იღბალის გარეშე ბიზნესში მიზნების მიღწევა შეუძლებელია, აღმოჩნდე საჭირო დროს საჭირო ადგილას ძალიან მნიშვნელოვანია, თქვენ რას ფიქრობთ?

ბატონო ლეონიდ მომიტევეთ, მაგრამ არ გეჩვენებათ, რომ საქართველოს საპატრიარქო ძალიან მდიდარია და ამის ფონზე ამდენი გაჭირვებული ადამიანი ალბათ არ უნდა იყოს. ეს ჩემი პირადი აზრია და მაინტერესებს თქვენ რას ფიქრობთ?

გამარჯობათ, ბატონო ლეონიდ! უკვე საკმაო დროა საქართველოში იმყოფებით, მაინტერესებს თქვენი ხედვა, როგორ უნდა გამოვიდეს ქვეყანა დღევანდელი პოლიტიკური მდგომარეობიდან?

მოგესალმებით,უპირველეს ყოვლისა გისურვებთ ყოველივეს კარგს: ჯანმრთელობას,სიკეთეს,ბედნიერებას. ამას გწერთ თელავის მოქალაქე,რომელსაც მრავალი სმენია თქვენი ქველმოქმედების შესახებ. ყურადღებით ვადევნებ რა თვალს თქვენს საქმიანობას საზოგადოებრივ ცხოვრებაში, გადავწყვიტე მომემართა თქვენი ორგანიზაციისთვის იმ საკითხის შესახებ,რაც აწუხებს თელავის მოსახლეობას. თელავში ფუნქციონირებს უფასო სასადილო, რომელიც ქალაქის ცენტრში მდებარეობს. მაგრამ სასადილო ამ ადგილზე წყვეტს ფუნქციონირებას. სამაგიეროდ, იხსნება სოციალური სახლი, რომელიც პერიფერიაზე, ქალაქის შემოსასვლელში, ყოფილი ინტერნატის შენობაში განთავსდება. სოციალური სახლის მდებარეობით უკმაყოფილო ბენეფიციარების დიდი ნაწილია. ასეთ სიტუაციაში მიზანშეწონილად მიმაჩნია “სოციალური პატრულის” მუშაობა. არის 3კაციანი საინიციატივო ჯგუფი, რომელსაც სურვილი აქვს სათავეში ჩაუდგეს “სოციალური პატრულის” დაარსებას ქ.თელავში. თუ თქვენი მხარდაჭერა და დაფინანსება იქნება, პრობლემა ადვილად იქნება მოგვარებული. თუ თქვენი ორგანიზაცია შესძლებს მხარში ამოუდგეს თელავის მოსახლეობას ამ სასიცოცხლო მნიშვნელობის საქმეში, გთხოვთ, შემატყობინოთ.

გამარჯობათ, ბატონო ლეონიდ! მიხარია რომ ფეისბუქში დაგიმეგობრდით! მე კიევიდან მახსოვხართ, კიევში ვმუშაობდი მაშინ როდესაც თქვენ დეპუტატი იყავით. ასეთი კითხვა მაქვს, თუ საიდუმლო არ არის, ყველაზე უფრო რისი შეცვა და განვითარება გსურთ საქართველოში?

მოგესალმებით და ძალიან ბედნიერი ვარ, რომ უდიდეს საქმეს ემსახურებით. ამაზე დიდი მადლი არ არსებობს. ერთი შეკითხვა მაქვს თქვენთან. მაინტერესებს, თუ ეხმარებით ისეთ ადამიანებს, რომლებიც არ არიან სიღარიბის მიღმა სტატუსის მინიჭებულნი, მაგრამ მათაც ისევე უჭირთ და შიათ? ჩვენი  მთავრობის დამსახურებით… რატომ არ უნიშნავენ დახმარებას არ ვიცი. არადა მართლაც ,,შიათ და სწყურიათ,, , თუ დააპურებთ ესეთ ხალხს, ვისაც არ აქვს სოციალურად დაუცველის სტატუსი?

გამარჯობა, ვარ 35 წლის, მინდა ზაფხულში, სწავლა რომ დამტავრდება, კვირაში 1-2 დღე გამოვადგე გაჭირვებულებს, მოხუცებს, ინვალიდებს. ვიცი ჟესტების ენა. რა თქმა უნდა, უსასყიდლოდ. მომეცით საშუალება რამე კარგი გავაკეთო.

ახლა ვკითხულობდი თქვენს პოსტს ონლაინ თამაშებთან დაკავშირებით… არ ვიცი, რისი შეცვლა ან გაკეთება საჭირო, უბრალოდ ამას ვიტყვი, რომ ონლან კაზინო საერთოდ უნდა აიკრძალოს,  რადგან 18 წლამდე ბავშვებისთვის ძალიან იოლად ხელმისწვდომია, რაც აუბედურებს ახალგაზრდებს… იყოს კაზინოები, ტოტალიზატორები,ოღონდ არა ონლაინში,სადაც არ კონტროლდება  სიტუაცია… კაზინოს და მსაგვსი ადგილის გაკონტროლება ძალიან მარტივია…. ბევრ ჩემს თანატოლს მეგობარს აქვს ვალები აზარტული თამაშების გამო, რაც დიდ პრობლემას უქმნით … აი, პირადად ჩემს ძმაკაცს ვეუბნები: დაიხმარე ოჯახი, (არც იციან რომ თამაშობს) გაისტუმრე ეგ ვალები და დაანებე თავი-მეთქი, მაგრამ არ შემიძლიაო – იმდენად მიჯაჭვულია … ამ პრობლემას არაფერი ეშველება, თუ კანონებს არ დაუპირისპირებენ,  მაგრამ არც ეგ მგონია მოხდეს, რადგან დიდი ბიზნესია და ალბათ,  მთავრობაც ღებულობს სარგებელს…

მოგესალმებით, პატივისცემით. თქვენმა სიტყვებმა ძალიან იმოქმედა – თუ არ შეგიძლიათ, ნუ დაპირდებით – მართალი ბრძანდებით. განა არ მინდა, ძალიან მინდა ჩემ შვილს შევუსრულო დაპირებები… ვხედავ მის თვალებში, როგორ უნდა რაღაც, მაგრამ ვერ ვუსრულებ. ასეთ დროს სიკვდილს ვნატრობ. არც ჯანმრთელობა მიწყობს ხელს, არც ოჯახური მდგომარეობა. ბოდიშს გიხდით შეწუხებისთვის, ძალიან მინდა ცხოვრების შეცვლა, რომ ჩემს შვილს დავუმტკიცო, რომ შევძელი, გამომივიდა. ყველაზე მწარე უსუსურობის განცდა ყოფილა, როცა ობოლი ხარ. მართალია, 33 წლის ვარ, მაგრამ მშობლები, რაც უნდა დიდი იყო, მაინც გჭირდება. მაპატიეთ, თქვენი სიტყვები იმდენად გულშიჩამწვდომი იყო, ამან გადამაწყვეტინა მომეწერა. იმედია, თავხედობაში არ ჩამითვლით.

გამარჯობა, როგორ გიკითხოთ? ძალიან ლოგიკური და თანმიმდევრული მიდგომები გაქვთ – ეს მომწონს და კიდევ უფრო დიდი სურვილი მაქვს თქვენთან საინტერესო საუბრების. ასევე, ვფიქრობ, რომ საუკეთესოდ შეგიძლიათ ადამიანს შეცდომები დააძლევინოთ თქვენი რჩევით და სწორ გზაზე დააყენოთ. მაგარი ადამიანი ხართ და მინდა გისურვოთ წარმატებები კიდევ, რაც შეიძლება მეტი! თქვენ ქობულეთში ცხოვრობთ და მოღვაწეობთ ხომ, ბატონო ლეონიდ?

გამარჯობათ, ბატონო ლეონიდ! მე 26 წლის ვარ და მთელი ჩემი ცხოვრება ვოცნებობდი წარმატებული ბიზნესმენი გავხდე, მე ძალიან ბევრს ვკითხულობ ბიზნესმენების რჩევებს, ვკითხულობ ტრამპის, კიოსაკის, ტრეისის წიგნებს და რა თქმა უნდა თქვენსასაც აუცილებლად წავიკითხავ. იმასაც კარგად ვხვდები, რომ როდესაც რაიმე ახალს იწყებ ეს სფერო კარგად უნდა შეისწავლო და ყური უგდო წარმატებული ადამიანების რჩევებს! მე მაქვს იდეა, რომლის რეალიზებასაც ვაპირებ და ვფიქრობ, თუ გამოვიდა ეს საფუძველი იქნება დიდი წარმატებისა, მაგრამ მე არ მაქვს დაწყებითი კაპიტალი და ვაპირებ ბიზნეს-კრედიტი ავიღო, მინდოდა მეკითხა და მომესმინა თქვენი აზრი – მიზანშეწოლილია თუ არა კრედიტის აღება საქმის დასაწყებად, ანუ ბიზნესის დაწყება სესხიდან?

ბატონო ლეონიდ დიდი მადლობა რომ არსებობთ თქვენ ალამაზებთ ყველა მრავალშვილიანი ოჯახის ცხოვრებას და უსუმბუქებთ მათ იმ გასაჭირს რაც აქვთ მემინდა პირადად დიდიმადლობა გითხრად იმისთვის რომ ჩემი სხოვრება შეცვალეთ ყველანაირად თქვენი დამსახურებით მე შევიძინე ბევრი მეგობარი რომლებიც მოვიდნენ დასახმარებლად და დღესდღეობით ჩემი ოჯახის ნათლიები გახდნენ ალბად ვერმოვძებნი ამდენ კარგ სიტყვას რაცმინდა გითხრად დიდიმადლობა ყველას მთელ თქვენ შემადგენლობას უდიდესი პატივისცემით ქედსვიხდი თქვენ წინაშე მე!  ნათია 6 შვილის დედა

გამარჯობათ ბატონო ლეონიდ, მე არჩილი მქვია. ბებიაჩემი არის 90 წლის, არის მწოლიარე და თქვენი დაზხმარებით ყოველდღე მოდის მასთან ექთანი და ასევე ექიმი. ასევე ყოველთვიურად მოაქვთ საკვები პროდუქტები და ჰიგიენის საშუალებები.

მინდა დიდი მადლობა გადაგიხადოთ და ვისურვო, რომ სხვებმაც მოგბაძონ და დაეხმარონ ჩვენს პატარებს და მოხუცებს.

მე უმამოდ გაზრდილთა რიგებში ვითვლები და მამა ჩემთვის დღემდე უდიდესი საფიცარია. თქვენს სტატიას რომ ვკითხულობდი მეგონა მე ვწერდი.მე მილიონერი არ ვყოფილვარ,მაგრამ ადამიანმა მართომ უფლის შევევნით მივაგვიე სულის ზრდას,საქუთარ ზურგზე ცხოვრების აქიდებას.გალათიც მინახავს და ქოფილა დრო,როდესაც სრულიად მართო და უსახლქაროდ დარჩეენილს მითირია მვარედ და ამ დროს უფალს გაუგია ქარი და გამოჩენილა გზა.მეც უზომოდ საინთერესო მძიმე და ექლებით სავსე ცხოვრებით ვიცხოვრე.ხშირად მიფიქრია დავვერო ჩემი ცხოვრება,მაგრამ მე ჯერ ქიდევ მასთან ჩიდილში ვარ და ფრობლემები არ მაძლევენ საშუალებას.მოვა დრო უფლის ნებით და დავვერ იმ უდიდესი ქართეხილებით სავსე გზაზე,რომელზეც ვიარე.არც მე გავქიდულვარ გვთის ნებით და სული ფულზე და ქეთილდგეობაზე არ გამიცვლია,თუმცა შანსი უამრავი მქონდა.მე ჩემს სთუდენთებს და მოსვავლეებს ვასვავლი,რომ უფალმა მათ ჩემი ცხოვრება მისცა მაგალითად რომ არ დაეცნენ და ქოველთვის იფიქრონ,ცხოვრება გრძელდება,დიდება შემოქმედს ჩემი ცხოვრება მისი განდიდებაა ქიდევ ერთხელ

გამარჯობათ, მე ადრე მოგწერეთ ცხოველებთან დაკავშირებით და ეხლა ვერაფერს გავაკეთებ არჩევნები მოდისო.. და რამე ხო არ შეიცვალა? რო უპატრონო ცხოველებსაც დაეხმაროთ? ერთ ერთი რთული საკითხია ეს! ხალხზე არავინ ზრუნავს და მათზე ხო წარმოგიდგენიათ! იქნებ თქვენ მაინც შეძლოთ დახმარება ;( მადლობა წინასწარ!

გამარჯობათ, მე ინგლისურ ენას ვასწავლი სკოლაში, იქნებ დაგჭირდეთ, შემიძლია ერთი დღე თქვენ ბავშვთა სახლში ვიმსახურო ყველაფრის გარეშე.

გამარჯობა ბატონო ლეონიდ,  რაიონებშიდაც ხომ არ გეგმავთ ბავშვთა სახლების გახსნას?

გამარჯობათ საქართველოში იღებთ არჩევნებში მონაწილეობას? რა სიახლეებით მოდიხართ ჩვენთან?

ბატონო ლეონიდ შეიძლება თქვენი რომელიმე პროექტიდან ერთ-ერთი ამოვირჩიო და ჩემს მეგობრებთან ერთად დავეხმარო ფონდისგან დამოუკიდებლად?

ბატონო ლეონიდ,  ჩემი და ჩემი შვილების სურვილია ჩემი გარდაცვლილი მეუღლის ოცნების ასრულება-ავადმყოფი ბავშვების დახმარება. ამ ეტაპზე მაქვს მხოლოდ ოფიციალურად დარეგისტრირებული “ააიპ”-ი. მე მესაჭიროება თქვენი რჩევა ალბად, როგორც გამართული ჯგუფის. რა გზებით შეიძლება მოვიპოვო ამ საქმისთვის ფინანსები. აქ საუბარია თუნდაც მინიმალურ თანხებზე, მაგრამ რაოდენობრივად შეიძლება შეგროვდეს და თუნდაც ერთი ბავშვი მაინც გავახაროთ რაღაცით.

ყველაზე დიდ პრობლემას მთავრობა ქმნის! რა ქნას ახალგაზრდამ? როცა ათასი პორბლემები აქვს ოჯახში, არ ააქვს სამსახური, ნარკოტიკი ეხმარება მათ დავიწყებაში …თუ გავცდებით ნარკოტიკის მოხმარების საკითხს,აუცილებლად “შევასკდებით” ახალგაზრდების დაუსაქმებლობის საგანგაშო მდგომარეობას. დასაქმებულს არ ჭირდება ნარკოტიკი. თვით საქმეა მისთვის ნარკოტიკიც და კაიფიც,თუ ეს საქმე უყვარს. მოვუწოდებ დიდფულიანებს,იზრუნეთ ახალგაზრდების დასაქმებაზე.

მოგესალმებით, მე თქვენ მოღვაწეობას ვიცნობ და დიდ პატივს გცემთ! თქვენს პოსტებში ხშირად ამბობთ, რომ არ შეიძლება სასოწარკვეტილებას მივეცეთ. ძნელია სასოწარკვეთილებაში არ ჩავარდეს ადამიანი, როდესაც შვილი ავად ჰყავს, წამლის ფული კი არ გაკვს. როცა ეს ყველაფერი მეორდება, უფრო მეტიც საჭმლის ფული რომ არის სანატრელი. მე ბავშვს ოცნებაზე როგორ ვესაუბრო ამ დროს და როგორ ვუთხრა, რომ ყველაფერი კარგად არის და იოცნებე მეთქი. ამას ზოგადად ვიძახი, საქართველოში 50 პროცენტი ხო ასეა. მაპატიეთ, თუ რამე ცუდად გამომივიდა

გამარჯობა ბატონო ლეონიდ, თქვენი ერთ-ერთი პოსტი გამახსენდა ქველმოქმედებასთან დაკავშირებით. ალბათ იცით რა ამბებია ატეხილი საქველმოქმედო ფონდებზე, საზოგადოება უკვე ეჭვით უყურებს მათ, ჩვენი გადარიცხული თანხის რა ნაწილი მიდის ადრესატამდე და რა ფონდის ანგარიშზე რჩება არავინ იცის. მე პირადად ხშრად ვრიცხავდი აქამდე და ეხლა აღარ ვიცი როგორ მოვიქცე, ასეა ბევრი. ადამიანებს ვეხმარებთ თუ ვიღაცის ჯიბეებს ვავსებთ? როგორ უნდა მოვიქცეთ…

ბატონო ლეონიდ, რა ხდება ონლაინ-კრედიტებთან დაკავშირებით, რაიმე სიახლე ხომ არ არის? და არის თუ არა რაიმე შედეგი თქვენი ინიციატივების, მათ შორის ხალხის ერთადერთი საცხოვრებელიდან გამოსახლების აკრძალვის შესახებ? იმედია ბოლომდე მიიყვანთ ამ საქმეს, ამით უამრავ ქართველს გაახარებთ

მოგესალმებით, ლეონიდ! ყოველთვის თვალს ვადევნებ თქვენს მოღვაწეობას. ჩემთვის თქვენ ნამდვილი მაგალითი ბრძანდებით, ყოველ თქვენს პოსტს დიდი ყურადღებით და სიამოვნებით ვკითხულობ. როგორ ფიქრობთ რა უნდა შეიცვალოს ჩვენს ქვეყვანაში, რომ ჩვენნაირ შრომისმოყვარე, მიზანდასახულ ადამიანებს სამუშაოს შესაძლებლობა მოგვეცეს?

ბატონო ლეონიდ, გამარჯობა! თქვენი ფონდი ისეთ საშვილიშვილო საქმეებს აკეთებს ღმერთმა დაგლოცოთ და გაგაძლიეროთ! ჩვენს რაიონში წალენჯიხაში ძალიან ბევრი გაჭირვებული ხალხია, რომელსაც მართლა სჭირდებათ  უფრო მეტი ყურადღება და დახმარება, ერტი შეკითხვა მაქვს, არ შეიძლება ჭალენჯიხის რაიონში თქვენი ფონდის ფილიალის გახსნა? მე ვითანამშრომლებ თქვენთან ყოველგვარი ანაზღაურების გარეშე გულით და სული და სიყვარულით!

მოგესალმებით, ბატონო ლეონიდ!  რა ბედი ეწია თქვენს პარტიას “ბედნიერი საქართველოსთვის” და აპირებთ თუ არა მომავალში მიიღოთ მონაწილეობა არჩევნებში?

მოგესალმებით, ლეონიდ! მირჩიეთ როგორ მივაღწიო წარმატებას ბიზნესში? რითი დავიწყო? ვფიქრობ სამუშაოს მიტოვებას და ძალიან მინდა ჩემი ბიზნესის დაწყება.